Ish-kapiteni i Italisë, Gianluigi Buffon ka thënë se në Botëror do të jetë tifoz i Kamerunit. Portieri legjendar ka thënë se i ka pëlqyer ceremonia hapëse, por ka pritur më shumë nga skuadra vendase.
“Ceremonia e hapjes ishte e bukur, por prisja më shumë nga skuadra e Katarit. Në Botëror do të jem tifoz i Kamerunit. Kam qenë gjithmonë tifoz i tyre dhe Kameruni ka qenë gjithnjë përfaqësuesja ime e dytë e preferuar. Formacionin e Kamerunit në Botëror e 1990 e di ende përmendësh. Idhujt e mi ishin N’Kono, Milla, Oman-Biyik , të cilët për mua ishin heronj” ka thënë Buffon.
Legjenda e Juventusit ishte pjesmarrës në disa botërore me Italinë, si dhe fitues në vitin 2006.
Ai pesë herë është shpallur portieri më i mirë në botë deri sa barte fanellën bardh e zi.
