Rezervimi i një vendi në plazh ka qenë një nga temat kryesore të verës vitet e fundit, sidomos në vende shumë të frekuentuara si ato në Kroaci.
Dhe për të bërë një gjë të tillë më të lehtë, ka turistë që në plazhet në Kroaci lënë peshqirët dhe çadrat për t’u siguruar që të nesërmen do të mund të shijojnë të njëjtin vend.
Ndërkohë që teksa ka turistë që e shohin këtë praktikë zhgënjyese, qytetet anembanë Kroacisë e njohën këtë problem dhe filluan të vendosin disa masa, shkruajnë mediat e huaja, përcjell Telegrafi.
Për shembull, kryetari i komunës së Tribunja në rrjetet e tij sociale njoftoi se peshqirët dhe sendet e tjera të përdorura për të rezervuar një vend janë hequr dhe se larësit mund t’i marrin ato në departamentin e sigurisë komunale, me pagesën e një tarife.
E njëjta praktikë mund të vërehet edhe në Komunën e Pirovacit.
Portali Šibenski.hr shkruan se rojet komunale heqin peshqirët, pa asnjë paralajmërim, dhe se gjobat variojnë nga 67 deri në 200 euro.
