Lëvizja “Antibixhoz” nga Tetova në shenjë të pakënaqësisë që nuk ka ndryshime në Ligjin për lojëra të fatit paralajmëroi se do ta bllokojë trafikun në autostradën Tetovë – Shkup. Kjo, sipas tyre, do të bëhet në ditën kur do të fillojë fushata parazgjedhore.
“I informojmë qytetarët dhe shoqatat civile se në ditën kur fillon fushata parazgjedhore Lëvizja do ta bllokojë trafikun në autostradën në drejtim të Shkupit, afër pikëpagesës afër Zhelinës nga ora 10”, theksoi në konferencë për shtyp, Xhemal Abdiu, përfaqësues i Lëvizjes “Antibixhos”.
Ata janë të pakënaqur që partitë politike në Kuvend nuk e vendosën ligjin në rend dite në seancë, edhe pse ka pasur debat të kokmisionit.
“Arsyeja pse nuk e kemi ligjin e shumëpritur janë të dyja partitë LSDM dhe VMRO-DPMNE. Thamë se publikisht do t’i demaskojmë të gjithë ata të cilët do të qëndrojnë në anën e bixhozit dhe nuk e miratuan ligjin”, tha Abdiu, duke i thirrur partitë në programin zgjedhor prioritet ta kenë Ligjin për lojëra të fatit.
Kërkesa kryesore e Lëvizjes Lëvizjes “Antibixhoz” është dislokimi i objekteve ku organizohen lojërat e fatit. a
