Robert Lewandowski u bë vetëm lojtari i tretë, së bashku me Cristiano Ronaldon dhe Lionel Messin, që shënuan 40 gola në pesë sezone radhazi.
Polaku e arriti këtë falë golit nga penalltia ndaj Union Berlin, këtë fundjavë.
Fitorja e mban Bayernin në krye të Bundesligës dhe ndihmon Lewandowskin të mbetet në histori, përcjell lajmi.net.
Vetëm Gerd Muller renditet mbi 31-vjeçarin në listën e golashënuesve më të mirë të të gjitha kohërave te Bavarezët.
Dhe Lewandowski është në rrugën e duhur për të thyer rekordin e tij të një sezoni që aktualisht ka 43 gola.
Ai e arriti atë numër në sezonin 2016/17, por ka të paktën dhjetë ndeshje të tjera me të cilat të përmirësojë totalin e tij aktual.