Shoqata Akademike e Shqiptarëve të Maqedonisë së Veriut, gjegjësisht Akademia Shqiptare, e shqiptarëve në RMV, reagon ashpër ndaj ndonjë vendimi eventual negativ, të Gjykatës Kushtetuese të RMV-së, që do të mbahet me datë 11/12/24, lidhur me ndonjë “Abrogim” eventual të ligjit për gjuhët në RMV.
“Ju rikujtojmë se Ligji për gjuhët, nga viti 2018, edhe ashtu, për shkaqe të panjohura, nga
Qeveria paraprake, është ligj i keqkonceptuar dhe si i tillë nuk i dedikohet zyrtarizimit ligjor të
Gjuhës Shqipe! Si i tillë ai, i referohet Gjuhës së panjohur të 20%-shit! Kërkojmë që anëtarët shqiptarë të Kushtetueses, të reagojnë lidhur me rikorigjimin e Ligjit, nëpërmjet propozimeve konkrete, që Gjuha Shqipe, të etablohet ligjërisht, sipas kërkesave të Komisionit të Venedikut, përfshi aty, përfaqësimin e saj si Gjuhë zyrtare, madje edhe në dispozitat ligjore, që parashikojnë përdorimin e saj edhe në banknota, edhe në uniformat e ushtrisë dhe në të trija nivelet e gjyqësorit”, thuhet në reagim.
Akademia Shqiptare Kujton që plotësimi i kërkesës së tyre, është në përputhshmëri edhe me përvojat ndërkombëtare, të vendeve demokratike, edhe me gjendjen demografike të shqiptarëve në terren, si dhe kuotat për pakicat substanciale, në rastin konkret për shqiptarët si komunitet dytë në
numër në RMV.
“Një bashkëpunim eventual i këtillë, do të zbuste marrëdhëniet ndëretnike në vend, duke
kontribuar kështu edhe në konsolidimin errugës së vendit drejtë Unionit Europian! Mbetemi me shpresë se Gjykata Kushtetuse, do të tregojë pjekuri të duhur, në momentin e dhënë në mënyrë që të ruhet paqja ,stabiliteti dhe integriteti i vendit”, thuhet në reagimin e Akademisë Shqiptare në RMV.
