15 subjekte politike kanë propozuar gjithsej 1598 kandidatë për deputetë në Komisionin Shtetëror të Zgjedhjeve. Shqyrtimi i kandidaturave do të bëhet brenda 24 orëve. Në rast se haset në parregullsi, subjekteve do t’i jepet afat shtesë për korrigjimin e kandidaturave.
Nëse është diçka në rregull, lista është dërguar në kohë dhe i plotëson të gjitha kushtet sipas Kodit Zgjedhor atëherë ajo listë do të vërtetohet. Nëse kanë ndonjë mangësi atëherë subjekteve i jepet mundësi shtesë për përmirësimin e gabimeve, respektivisht afat shtesë për subjektet që do t’i përmirësojnë listat dhe në fund KSHZ do të vendos nëse lista miratohet ose hidhet poshtë”-tha Admir Shabani, Zëdhënës i KSHZ-së.
Jo zyrtarisht mësohet se slogani i koalicionit të udhëhequr nga partia pro ruse e Janko Baçevit “Asnjëherë e Veriut-Vetëm Maqedoni” do të kontestohet për shkak se bie në kundërshtim me normat e Kodit Zgjedhor dhe emrin kushtetues të vendit. Nga KSHZ thonë se bashkë me listat shqyrtohet edhe aspekti normativ i sloganeve të partive.
Të gjitha listat janë duke u kontrolluar duke marrë parasysh edhe emërimin e koalicioneve. Nëse hasim në raste të tilla, sigurisht që KSHZ-ja do të sjell vendim adekuat gjithmonë duke i respektuar normat e Kodit Zgjedhor”-pohoi Admir Shabani, Zëdhënës i KSHZ-së.
Ditë më parë subjektet politike dorëzuan listat e kandidatëve për deputetë në KSHZ duke bërë të njohur zyrtarisht edhe emrat e bartësve të listave. Pas shqyrtimit pason shorti për numrat në lista. Fushata zgjedhore fillon më 23 mars dhe përfundon më 10 prill.
