Nëpërmjet një kumtesë të lëshuar nga partia maqedonase në pushtet LSDM reagojnë ndaj VMRO-DPMN-së në lidhje me ajrin e ndotur në Shkup dhe Maqedoni duke thënë se “I gjithë Shkupi dhe Maqedonia ishin të ekspozuar në shkatërrim ekstrem dhe rrezikimin e mjedisit jetësor nga ana e VMRO-DPMNE-së kriminale që rezultoi me ndotjen enorme të ajrit”.
Sipas LSDM, për dallim nga VMRO-DPMNE, sot të gjitha institucionet si në nivel vendor dhe qendror, të udhëhequra nga Qeveria e LSDM-së secilën ditë ndërmarrin masa për zbatimin e ajrit disa vjeçar të ndotjes së ajrit..
“Vazhdon aksioni për rimëkëmbjen e gjelbërimit të shkatërruar në Shkup. Në Karposht, Bit Pazar, Butell dhe Aerodrom, dje u mbjellën drunj në Komunën e Gjorçe Petrovi me çka vazhdon aksioni për mbjelljen e rreth 3500 drunjve nëpër gjithë komunat e Bashkisë së Shkupit”, thonë nga LSDM duke shtuar se në vazhdimësi zbatohen aksione për heqjen e deponive të egra dhe se vetëm ditën e djeshme është hequr deponia e egër në Gjorçe Petrov.
Nga LSDM thonë se subvencionimi për peletat, vendosja e fasadeve efikase, fillimi i procedurës për furnizimin e 40 autobusëve në Shkup, janë disa nga masat me qëllim të uljes së ndotjes së ajrit.
“Si asnjëherë më parë Qeveria e udhëhequr nga LSDM dhe të gjitha institucionet kompetente në mënyrë aktive punojnë në zgjidhjen e problemit të ajrit të ndotur, me qëllim që niveli i ajrit të ndotur të ulet dyfish në dy vitet e ardhshme”, thuhet në kumtesën e LSDM.
