Manchester City ka arritur fitoren e radhës në Premier Ligë.
Man City ka mposhtur bindshëm Arsenalin me rezultat 5-0.
Vendasit kaluan herët në epërsi në min e 7’ me golin e Ilkay Gundogan.
Nuk vonoi shumë dhe në min e 12’ ishte Ferran Torres ai që shënoi për 2-0.
Gjërat u vështirësuan për “Gunners” kur në min e 35’ me karton të kuq u përjashtua Granit Xhaka pas një ndërhyrje të ashpër në Joao Cancelon.
Pak minuta më vonë në të 43’ rrjetën e gjeti edhe Gabriel Jesus për rezultatin e pjesën së parë 3-0.
Edhe pjesa e dytë ishte e njejtë me ‘Citizens’ që vazhduan sulmet dhe golin e katërt e gjetën në min e 53’ me Rodrin.
Ndërsa për rezultatin përfundimtarë u përkujdes Torres që shënoi për 5-0 në min e 84’.
Me këtë fitore Man City ka gjashtë pikë aktualisht në vendin e parë, ndërsa Arsenali në vendin e fundit pa asnjë pikë. /Lajmi.net/
