Maqedonia e Veriut nga Shtete e Bashkuara të Amerikës do të blejë automjete të blinduara për nevojat e Armatës në vlerë prej 762 milion denarëve (15 milion dollarë), njoftuan nga Qeveria pas seancës së mbajtur mbrëmjen e së premtes.
Marketing
Qeveria miratoi procedurën për blerjen e automjeteve lehtë të blinduara, duke pranuar ofertën që SHBA e kishte bërë me 21 dhjetor.
“Me këtë vendim, Ministria e Mbrojtjes është e detyruar që menjëherë pas nënshkrimit të amandamentit/aneksit të marrëveshjes, nga Buxheti i Ministrisë së Mbrojtjes të paguajë shumën e dakorduar prej 762,000,000 denarëve Qeverisë së Shteteve të Bashkuara të Amerikës”, thuhet në deklaratën e Qeverisë.
