Mbi 400 pacientë, të infektuar me koronavirus, janë të shtrirë në klinikat e Qendrës Klinike Universitare të Kosovës (QKUK) dhe në spitalet e përgjithshme.
Marketing
Shërbimi Spitalor dhe Klinik Universitar i Kosovës njoftoi se, në total, numri i të hospitalizuarve është 608, por prej tyre 414 pacientë janë të infektuar me koronavirus.
Njëzetekatër nga ta janë vënë në respiratorë, ndërsa 23 në makinat e frymëmarrjes, të njohura si CPAP.
Kosova, të hënën, ka shënuar rekord të rasteve të reja ditore me koronavirus: 276.
Të martën, numri i përgjithshëm i tyre është rritur edhe për 239, përkatësisht në 7,652.
Prej tyre, gjithsej 192 pacientë kanë humbur jetën, ndërsa 4,129 janë shëruar.
