Kryeministri malazez, Dushko Markoviq do ta vizitoj Kosovën me 28 maj me ftesë të homologut të tij nga Kosova, Ramush Haradinaj.
Përveç takimit dypalësh me kryeministrin e Kosovës, Markoviq do të ketë mundësi të takohet me zyrtarë tjerë të lartë nga shteti i Kosovës. Po ashtu do të marrë pjesë në ceremoninë hapëse të autostradës “Arben Xhaferi”.
Në dokumentin që ka lëshuar kabineti i Markoviq thuhet se dy kryeministrat do ta shfrytëzojnë këtë takim edhe për të nisur disa tema me interes për Malin e Zi në drejtim të bashkëpunimit me Kosovën, si pozita e bashkësisë nacionale malazeze, përmirësimi i bashkëpunimi në ekonomi dhe forcimi i trafikut infrastrukturor.
Për Malin e Zi besohet se çështja më e rëndësishme në marrëdhëniet dypalëshe me Republikën e Kosovës është statusi i bashkësisë kombëtare malazez.
Vizita e parë historike e zyrtarit më të lartë të Malit të Zi në Kosovë ishte në periudhën shkurt të vitit të kaluar kur Markoviq erdhi në Prishtinë.
