Legjenda e futbollit të Kosovës, Ardian Kozniku, ka një respekt të veçantë në futbollin kroat.
Ai me vite ka qenë lojtar kryesor i Hajdukut të Splitit dhe pjesë edhe e kombëtares së Kroacisë, me të cilën fituan medaljen e bronztë në vitin 1988 në Kampionatin Botëror. Mediumi kroat “Index.hr”, shkruan mes të tjera, se edicioni i parë i Ligës së Futbollit Kroat u luajt gjatë luftës, disa klube nuk mund të luanin as në stadiumet e tyre, për shkak të luftës dhe gjithsej u luajtën 22 javë.
Titullin e kampionit e fitoi Hajduku në vitin 1992, me tri pikë para Zagrebit, dhe golashënuesi i parë i kampionatit ka qenë Ardian Kozniku me 12 gola.
Sulmuesi nga Kosova, nga KF Prishtina kishte arritur në Split në kohën e ish Jugosllavisë, kur me Hajdukun fituan Kupën e Marshall Tito në vitin 1990, dhe më pas dominoi Hajduku në sezonet e para pas pavarësisë së futbollit kroat nga ai ish jugosllav.
