Kryetari i Partisë Demokratike Shqiptare z.Menduh Thaçi realizoi takim me ambasadorin e Shteteve të Bashkuara të Amerikës në Maqedoni z. Xhes Bejli.
Ky takim u realizua në kuadër të përmbylljes së misionit në Maqedoni të ambasadorit Bejli.
Temë e bisedimeve ishte situata aktuale politike në vend, rrjedha e proceseve integruese në NATO dhe BE si dhe procesi i ratifikimit të protokollit nga ana e shteteve anëtare për hyrjen e Maqedonisë së Veriut në NATO, procese këto të citat do të ishin të pamundura pa vizionin dhe mbështetjen e vazhdueshme të SHBA-së dhe Ambasadorit Bejli.
Duke i uruar diplomatit amerikan suksese të reja në karrierën e tij të mëtutjeshme, Kryetari Thaçi shfaqi përkushtimin për të vazhduar bashkëpunimin me drejtuesin e ri të Ambasadës amerikane në Shkup.
