Tashmë është bërë publike se çfarë i ka thënë sulmuesi argjentinas, Lionel Messi, gjyqtarit të ndeshjes, i cili u pa i zemëruar ndaj tij në ndeshjen e parë të sezonit të Inter Miamit kundër New York Cityt.
Fituesi tetë herë i Topit të Artë regjistroi dy asistime për ekipin e tij, teksa ndeshja u përmbyll baras me rezultat 2-2.
Goli i barazimit erdhi në minutën e 100-të në një duel ku vendasit mbetën me një lojtar më pak në fushë pas gjysmës së pjesës së parë.
Messi mbeti tejet i nervozuar me atë vendim, sipas të cilit Tomas Aviles u përjashtua 18 minuta pasi shënoi golin e epërsisë.
Pas fishkëllimës së fundit të gjyqtarit situata eskaloi. Messi kapi për fyti një anëtar të stafit të trajnerëve të ekipit kundërshtar.
Kjo ndodhi pasi ai tashmë kishte shkëmbyer disa fjalë me gjyqtarin Alex Da Silva me këtë të fundit që i dha Messit kartonin e verdhë.
