Kur bëhet fjalë për miliarderët në media, fokusi shpesh tenton të jetë sa shumë para kanë grumbulluar.
Megjithatë, sipas një raporti të Bloomberg, viti 2018 ishte i rëndë për disa miliarderë që kanë humbur shuma të konsiderueshme parash.
Mark Zuckerberg është miliarderi që ka humbur më së shumti në vitin që e lam pas.
CEO i Facebook që ka pasuri prej 59 miliardë dollarësh, ka humbur 18.2 miliardë dollarë.
Themeluesi dhe aksionari maksimal i Inditex, Amancio Ortega ka pasuri prëj 61 miliardë dollarësh, ndërsa ka humbur 14.7 miliardë dollarë në vitin e kaluar.
Wang Jianlin është themeluesi i kompanisë konglomeratike Dalian Wanda Group, kompania më e madhe e Kinës për zhvillimin e pasurive të patundshme. Kinezi ka humbur 10 miliardë dollarë në vitin 2018.
Georg Schaeffler që zotëron 80% të kompanisë mbajtëse INA Holding Schaeffler GmbH & Co ka humbur 10 miliardë dollarë në vitin e kaluar.
Jorge Paulo Lemann kontrollon aksionet e Anheuser-Busch InBev, beermaker më i madh në botë, poashtu ka humbur 10 miliardë dollarë në vitin e kaluar.
Jack Ma, bashkë-themelues dhe kryetar ekzekutiv i Grupit Alibaba ka 9.76 miliardë më pak pasuri nga humbjet që ka patur në vitin 2018.
