Mbi 90 për qind e kuletave përmbajnë baktere, teksa femrat janë më të prira të ketë kuleta të papastra
Hulumtuesit zbulojnë se femrat i kanë më të papastra kuletat, sepse i lënë në tualet dhe kuzhinë, derisa meshkujt i mbajnë zakonisht në xhep.
“Kuletat dhe çantat, janë një burim i pafund i baktereve dhe sëmundjeve ngjitëse” shkruan në hulumtimin e botuar në “Advanced Biomedical Research”.
Universiteti Mauritius, e ka bërë një hulumtim me 145 kuleta, 80 të femrave dhe 65 të meshkujve.
Rezultatet kanë treguar se 95.2 për qind e kuletave, kanë pasur baktere.
Vetëm 2.1 për qind e femrave i pastrojnë kuletat dhe çantat një herë në muaj, kurse 81.5 për qind, nuk i zbrazin ato asnjë herë.
Është gjetur se kuletat e lëkurës, kanë më pak baktere, shkaku i sipërfaqes së rrafshët, në të cilën nuk mund të qëndrojnë bakteret.
