Ministri i Qeverisë Zaev (2) dhe Sekretar Gjeneral i Lëvizjes Besa Arijanit Hoxha, sot përmes një postimi në Fb ka kritikuar udhëheqësin e opozitës shqiptare Ziadin Selën.
Nga ana tjetër Naim Bajrami nga Aleanca për Shqiptarët i është përgjigjur Ministrit Hoxha, duke e quajtur “Vesel Mehmeti i dytë”.
Ja çka shkruan Naim Bajrami në llogarinë e tijë në FB:
Sa poshtë ka ra katuni!
Të gërditesh nga fjalori i atyre që kanë marrë pergjegjësi të merren me çeshtjet politike e publike, e mjerë qytetarët nga kush presin t’ua zgjidhin problemet. Kultura politike nuk vjen vetvetiu me të marrë detyrën ministër, por ajo mësohet dhe kultivohet! Momentin kur gjithe kauzën politike e shndërron në “kauze” teknike, e kur pastaj dhe aty dështon, s’ka se si ndryshe të fitosh vëmendje, përveç se duke sulmuar opozitën. Në qeverinë Zaev 1 këtë rol e luante Vesel Memedi me ministrin e tij, ndërsa sot këtë rol e luan Vesel Memedi i dytë me ministrin e “tij”!
