Asteroidi me gjerësi 900 metra do të kalojë pranë Tokës më 21 mars, por ekspertët pretendojnë se nuk ka asnjë arsye që njerëzimi të shqetësohet, transmeton Anadolu Agency (AA).
Agjencia Amerikane e Hapësirës NASA njoftoi se asteroidi “2001-FO32” do të kalojë pranë Tokës në një distancë prej dy milion kilometrash, e cila është sa pesë herë distanca midis Tokës dhe Hënës.
Ekspertët e NASA-s pretendojnë se nuk ka rrezik që asteroidi të përplaset me planetin tonë, por se do të jetë një mundësi e jashtëzakonshme për astronomët të ndjekin lëvizjen e një trupi qiellor shkëmbor që do të udhëtojë me një shpejtësi prej 124 mijë kilometra në orë.
Kjo është një shpejtësi dukshëm më e lartë se ato të regjistruara gjatë fluturimeve të mëparshme të asteroideve.
Instituti i Teknologjisë në Kaliforni tha se ky është një asteroid që u formua në thellësitë e sistemit diellor dhe se kalimi tjetër i asteroidit pranë tokës pritet në vitin 2052.
