Federata Spanjolle e Futbollit dhe La Liga kanë janë marr vesh që duke nisur nga muaji janar të publikohen imazhet dhe audiot e bisedave midis gjyqtarit të fushës dhe asistentëve të VAR, kur ka rishikime të aksioneve.
Ky projekt fillimisht do të fillojë të marrë jetë në ndeshjet e Superkupës më 10 dhe 11 janar dhe më pas do të aplikohet në ndeshjet e La Liga.
Kjo hap një skenar të ri për arbitrimin spanjoll, me synimin për t’i ofruar transparencë më të madhe tifozit në çdo kompeticion iberik.
Me transmetimin e imazheve dhe audiove synohet të përmirësohet imazhi i gjyqtarëve dhe të qartësohen vendimet e gjykimit.
Në ditët në vijim, si Federata ashtu edhe La Liga do të publikojnë më shumë informacione në rrjetet e tyre sociale në mënyrë që fansat dhe mediat të kuptojnë se si do të funksionojë kjo dinamikë e re.
