Ambasada e Kosovës në Gjermani ka bërë të ditur për vendimet e reja që ka marrë shteti gjerman.
Ambasada e Kosovës në Gjermani iu ka bërë thirrje të gjithë atyre që kanë kaluar apo po kalojnë pushimet në Kosovë që t’i kenë parasysh udhëzimet e Institutit Kombëtar të Shëndetësisë Publike të Kosovës.
Përmes një postimi në profilin zyrtar në rrjetin social Facebook, ambasada ka bërë me dije se të gjithë ata që do të kthehen apo duhet të kthehen nga Kosova në Gjermani nga java që vjen testet për koronavirus janë obliguese.
“Të gjithë ata që kanë kaluar apo kalojnë pushimet në Kosovë- ju lutem të keni parasysh udhëzimet e Institutit Kombëtar të Shëndetësisë Publike të Republikës së Kosovës. Të gjithë ata qytetarë, që do apo duhet të kthehen nga Kosova në Gjermani- nga java që vjen Testet për Covid janë obligative”, thuhet në njoftimin e ambasadës.
Ambasada po ashtu u ka bërë thirrje të gjithë qytetarëve që të zbatojnë udhëzimet e autoriteteve kosovare të shëndetësisë, të mbajnë maskë, distancë e higjienë.
NJOFTIM Të nderuar qytetarë të gjithë ata që kanë kaluar apo kalojnë pushimet në Kosovë- ju lutemi të keni parasysh…
Publiée par Ambasada e Republikës së Kosovës në Gjermani/Botschaft der Republik Kosovo sur Vendredi 31 juillet 2020
