Menaxhimi i vipave është kthyer në një trend në vendin tonë pas frymëzimit nga këngëtarë me famë botërore si Madona e Lady Gaga që shpesh falenderojnë stafin dhe menaxhimin për arritjet e tyre.
Menaxheri i vipave shqiptarë, Endi Hamiti, rrëfeu përvojat e tyre në Shqipëri. Ai ka shpjeguar në detaje se VIP-at shqiptarë tashmë kanë ndryshuar sjellje dhe pritshmëri.
Endi: “Është trend në rritje. Artistët kërkojnë menaxherë. Kjo e bën më të thjeshtë karrierën e tyre. Rrjetet sociale luajnë rol të rëndësishëm në karrierën e një këngëtari. Është e vështirë të bësh këtë punë”.
“Duhet të jesh i përgjithshëm, por edhe të shohësh detajet. Kam hasur vështirësi, kur artisti nuk e ka pëlqyer projektin për shembull”.
Sipas tij, trendet kanë ndryshuar. Tashmë personazhet VIP në Shqipëri nuk kanë kohë t’i menaxhojnë gjërat vetë dhe kanë filluar të punojnë me staf.
Cili prej personazheve VIP në Shqipëri punon me staf? Disa emra janë Alketa Vejsiu, Ermal Mamaqi, Arilena Ara dhe Luana Vjollca. Sigurisht, ka edhe emra të tjerë.
