Ish ambasadorja amerikane në Kombet e Bashkuara, Niki Haley ka kërkuar tërheqjen e forcave paqeruajtëse UNMIK nga Kosova.
Kështu thuhet në letrën e dorëheqjes së saj dërguar sekretarit të përgjithshëm të OKB-së.
Haley në letrën e saj deklaroi se ajo mbështet përpjekjet e Sekretarit të Përgjithshëm dhe OKB-së në ruajtjen e paqes në botë.
“Për disa vite, misioni i OKB-së në Kosovë, ka dhënë një shembull të një misioni të suksesshëm që zgjidh konflikte komplekse. Suksesi i Kosovës i shprehur në dhjetëvjetorin e shpalljes së pavarësisë duhet të jetë arsye për festë dhe simbol i arritjes së madhe nga Kombet e Bashkuara në përpjekjet për arritjen e paqes dhe stabilitetit në Evropë”, ka shkruar ajo, derisa ka kërkuar ndërprerjen e mandatit të UNMIK-ut në Kosovë.
Në këtë letër Haley ka përgëzuar për rolin e OKB-së në ruajtjen e paqes në botë.
Letra është e datës 9 tetor, kur ajo njoftoi se është tërhequr nga posti i ambasadores amerikane në OKB.
