Drejtori i CIA-s, William Burns, ka rezultuar pozitiv me COVID-19 dhe do të punojë nga shtëpia. Ai do të qëndrojë në karantinë për pesë ditë përpara se të kthehet në zyrë, tha të enjten zyra e shtypit të agjencisë amerikane të zbulimit.
“Ai është plotësisht i vaksinuar, ka marrë një dozë përforcuese kundër COVID-19 dhe ka simptoma të lehta,” tha agjencia në një deklaratë.
65-vjeçari Burns u takua të mërkurën në mëngjes me Presidentin Joe duke mbajtur distancë fizike dhe maskë të modelit N-95. Takimi i tyre nuk u konsiderua si kontakt i afërt.
Sekretarja dhe zëvendës sekretarja e shtypit të Shtëpisë së Bardhë rezultuan të infektuar me COVID këtë muaj, si edhe Douglas Emhoff, bashkëshorti i Nënpresidentes Harris.
Presidenti Biden, 79 vjeç, i cili mori vaksinën e dytë përforcuese kundër COVID-19 të mërkurën, nuk ka rezultuar pozitiv, sipas Shtëpisë së Bardhë.
