Shkruan: ATANAS KOSTOVSKI
Ministri ynë i Punëve të Jashtme, më në fund bëri ca netë gjumë në paqe. Përmes valëve të trazuara të ujërave botërore, anijen e OSBE-së me flamurin maqedonas arriti ta ankorojë në kryeqendrën e Maltës La Valeta, me të gjithë 57 pasagjerët dhe ekipin e paguar për nëntë muajt e ardhshëm. Nga Shkupi ynë, fatkeqësisht, për ata që edhe më tej flasin se vrasjet dhe bombardimet nuk janë “luftë”, të gjithë pasagjerët “me konsensus” vazhduan rrugëtimin drejt La Valeta-s.
Ju uroj Ministër, për drejtimin njëvjeçar me OSBE-në, urime deri te i gjithë ekipi i Ministrisë së Punëve të Jashtme, Qeverisë sonë, shkupjanëve që i pranuan të gjitha rekomandimet gjatë kohës së mbajtjes së Këshillit Ministror të OSBE-së. Duartrokitja finale në sallën “Boris Trajkovski” e adaptuar në nivel botëror për nevojat e samitit, dëshmoi se Maqedonia jonë, në mënyrë të përkryer e realizoi mandatin e kryesimit njëvjeçar me OSBE-në.
Me gjasë, gjithmonë mundet edhe më mirë. Në kushtet tona, ofruam terren dhe mundësi që në nivel cilësor, mysafirët tanë të nderuar të kenë mundësinë nëse duan, të takohen, të bisedojnë, të debatojnë, të shoqërohen… Disa u takuan, disa u shmangën, ndërsa të tjerët nuk deshën as të dëgjojnë njëri tjetrin, … e më tej arsye të panumërta se pse të gjithë duan edhe më tutje të lundrojë anija e OSBE-së.
Shteti ynë, shkëlqyeshëm e kreu detyrën njëvjeçare të OSBE-së. Kështu theksuan mysafirët, ndërsa ne, do të vazhdojmë me të vjetrën, – harxhuam shumë para të popullit, e nuk derdhëm lot për hallet dhe brengat tona. Para, gjatë dhe pas përfundimit të Këshillit Ministror, u ndjeva sikur jam pjesë e një shoqërie për të gjithë, një shqiptar më bëri maqedonas krenar. Faleminderit Bujar!
