Juventusi ka arritur që të fitojë në Stadio Olimpico të Romës duke fituar kështu tri pikë dhe shpallur kampion dimëror në Itali. Golat e Demiral dhe Ronaldo në pjesën e parë kanë mjaftuar që Juventus të kthehet në Torino më tri pikë të radhë në Serie A
Juventusi nuk ka gabuar dhe ka arritur që të fitojë sonte në Romë me rezultat 1-2, në një ndeshje ku pati lojë të mirë nga të dyja ekipet.
Juventusi e nisi shumë mirë pjesën e parë dhe arriti të goli që në minutën e tretë, ku mbrojtësi Demiral u gjend tepër mirë në zonën e rreptësisë dhe shënoi për Juven pas krosimit të Pjanic.
Pas shtatë minutave për Juven u akordua edhe një penallti.
Cristiano Ronaldo do të shtohej në listën e realizatorëve për të shkuar në pushim të pjesës së parë me një epërsi komode.
Në pjesën e dytë Roma sulmonte me tërë fuqitë dhe kjo ju shpagua tek në minutën e 68 ku u shkaktua penallti të cilën në gol e shndërroi Diego Perroti.
Në minutat e mbetur Roma pati edhe disa tentime por shanset për golin e tretë i pati Juventusi.
Higuain pati një gol të anuluar kurse në minutat shtesë i njëjti u gjend ballë për ballë me portierin por dështoi për të shënuar.
Pas kësaj fitoreje, pas 19 xhirove prin Juventusi me 48 pikë, dy më shumë se Interi në vendin e dytë, kurse Roma kalon në vendin e pestë me pikë të barabarta me Atalantan që është në vendin e katër.
