Taulant Seferi nuk mori një ftesë nga Sylvinho për dy ndeshjet e Kombëtares shqiptare për sfidat me Anglinë dhe Andorrën në kualifikueset e Botërorit 2026.
Gjithsesi, sulmuesi shqiptar ka shkëlqyer në sfidën e Kupës së Turqisë, ku Bodrumspor u përballë me Trabzonspor në çerekfinale.
Në minutën e 15’ të sfidës, Seferi arriti t’i shkëputeshe mbrojtjes kundërshtare dhe në hyrje të zonës nuk gaboi duke rikthyer baraspeshën.
Pas 5 minutash, Seferi u kthye sërish në protagonist, duke asistuar futbollistin tjetër shqiptar, Enis Bardhi, i cili përmbysi momentalisht shifrat.
Gjatë këtij sezoni, Seferi numëron 4 gola dhe dy asiste në 24 ndeshje të luajtura.
Marketing
