Dr.Mike Ryan, drejtori ekzekutiv i programit të Emergjencave Shëndetësore të Organizatës Botërore të Shëndetit, tha që derisa bota konsideron të kthehet në normalitet, është e rëndësishme të kihet parasysh se “maskat nuk janë alternativë për izolim”.
Ryan vazhdoi: “Çdo gjë që bëjmë në shëndetin publik ose shëndetin dhe politikën ndikon në diçka tjetër. Pra, presionet ndaj njerëzve për t’u rikthyer në punë do të jenë shumë të forta, por ne nuk duam që njerëzit të bëjnë zgjedhje të vështira”.
Dr. Ryan sugjeron që maskat të mos nënkuptojnë alternativë të konsultimit të institucioneve shëndetësore në rast të shfaqjes së ndonjë komplikacioni shëndetësor.
OBSH gjithashtu bëri me dije gjatë konferencës së sotme se numri i të prekurve me koronavirus nuk do bie me të njëjtin intensitet në të cilin u rritën rastet.
