“Është koha për t’i dhënë fund diskutimit të ping-pongut me Bullgarinë”, është përgjigjur sot Bujar Osmani në pyetjen gazetareske nëse MPJ do të dërgojë notë proteste pas demolimit të klubit maqedonas të sapohapur në Blagoevgrad “Nikolla Vapcarov”. . Osmani ka sqaruar se R. e Maqedonisë së Veriut ka shprehur të gjitha qëndrimet e saj për zhvillimet në të dy vendet, tha Osmani, edhe qëndrimet nga R. Bullgarisë janë marrë, por është koha për t’i dhënë fund debatit të ping-pongut dhe përfshirjes në fushatën zgjedhore bullgare.
“Le ta lëmë diplomacinë të bëjë punën e saj”. Le t’i përjashtojmë qytetarët nga këto kriza të panevojshme dhe artificiale që krijohen në kurriz të dinamikës së brendshme në njërin apo tjetrin vend. Pra, kërkoj mirëkuptim, të rikthehet agjenda pozitive dhe paqja mes qytetarëve të dy vendeve dhe të diskutohet për të ardhmen”, tha Osmani.
Osmani vlerëson se nëse vazhdon kjo dinamikë e komunikimit, Maqedonia e Veriut vetëm do të tërhiqet në vorbullën e shoqërisë politike jostabile dhe të gjithë ciklit zgjedhor në Republikën e Bullgarisë.
Në këtë drejtim, ministri i diplomacisë së Maqedonisë, Osmani tha se Maqedonia e Veriut nuk duhet t’i nënshtrohet asnjë provokimi dhe sfide, veçanërisht jo në një periudhë kaq vendimtare për vendin tonë që është në proces të hapjes së negociatave me BE-në.
“Ne nuk duhet të dorëzohemi para provokimeve dhe sfidave të tilla. Kemi skrining që është në vazhdim, kemi reforma që duhet t’i realizojmë dhe t’i lëmë qytetarët t’i izolojnë dhe t’i kursejnë nga këto trazira”, theksoi Osmani.
