“Sezoni i gjuetisë, provokatorëve dhe përfituesve politikë ka filluar. Ajo që na duhet është të ruajmë integritetin dhe imazhin që ndërtuam me shumë mundim para botës se nuk ka politikë diskriminimi ndaj asnjë komuniteti, madje as atij bullgar. Mund të ketë probleme individuale që ne jemi të gatshëm t’i diskutojmë”, tha shefi i diplomacisë. Osmani thotë se vendi duhet të ndërtojë një strategji për mbrojtjen e interesave publike dhe jo të lundrojë në valën e emocioneve.
“Më së lehti për një politikan është të hipë në vagonin e emocioneve publike. Por ky cirk provokimesh që po krijohet mes dy vendeve duhet të ndalet, duhet t’i jepet fund, sepse bëhet fjalë për grupe që janë të interesuara të rrëmbejnë marrëdhëniet, për shkak të palëve të treta.
“Në periudhën në vijim vazhdojmë të monitorojmë me kujdes të gjitha deklaratat dhe veprimet e Sofjes zyrtare, duke pritur qetësimin e pasioneve dhe largimin e provokimeve, me qëllim kthimin në aktivitetet diplomatike”, tha Osmani.
