Papa Françesku gjatë një fjalimi në Romë në një auditor bëri thirrje për politika afatgjata për të ndihmuar familjet dhe duke paralajmëruar se kriza demografike e vendit po kërcënon të ardhmen.
“Në nivel institucional ka nevojë urgjente për politika efektive, zgjedhje të guximshme, konkrete dhe afatgjata. Ka nevojë për një angazhim më të madh nga të gjitha qeveritë në mënyrë që brezat e rinj të realizojnë ëndrrat e tyre. Numri i lindjeve është treguesi i parë i shpresës së një populli.”
Shkalla e fertilitetit në Evropë ka rënë në rreth 1.5 lindje për grua gjatë dekadës së fundit. Kjo është mbi nivelet më të ulëta që shihen në Azinë Lindore, e cila është 2.1 e nevojshme për të ruajtur nivelet e popullsisë.
“Shtëpitë mbushen me objekte dhe po zbrazen nga fëmijët, duke u kthyer në vende shumë të trishtueshme. Nuk mungojnë qentë e vegjël, macet, por fëmijët mungojnë. Problemi i botës sonë nuk është lindja e fëmijëve, është egoizmi, konsumizmi dhe individualizmi, që i bëjnë njerëzit të ngopur, të vetmuar dhe të pakënaqur. Çfarë shohim sot investime të mëdha tek fabrikat e armëve dhe kontraceptivëve. Njëra shkatërron jetën dhe tjetra pengon jetën. Por a do të kemi të ardhme në këtë formë?”
Në Itali, lindjet ranë në një nivel të ulët rekord në vitin 2023, rënia e 15-të radhazi vjetore. Qeveritë e njëpasnjëshme deri më tani nuk kanë qenë në gjendje të ndryshojnë trendin, pavarësisht premtimeve të përsëritura.
Me mbështetjen e fortë të Vatikanit, qeveria e krahut të djathtë të Kryeministrit Giorgia Meloni ka ngritur një fushatë për të inkurajuar të paktën 500,000 lindje në vit deri në vitin 2033.
