Sipas disa mediave, duke filluar nga ai bjellorus Nexta, kreu religjioz i është drejtuar të paktën 300 mijë rezervistëve që po nisen drejt frontit ukrainas pas vendimit të Putin për mobilizim të pjesshëm të vendit, duke i përkrahur me fjali si “nuk duhet të keni frikë nga vdekja”.
Sipas burimeve, madje, Kirill ka shkuar më në detaj, duke iu drejtuar pikërisht ushtarëve që pritet të shtojnë radhët e forcave pushtuese. “Shko me kurajë, bëj detyrën tende ushtarake. Kujto se po vdiqe për vendin tënd, do të jesh me Zotin ne mbretërinë e tij, plot lavdi në jetën e përtejme”.
Nga dhjetori i vitit 2008, kur morri postin e të ndjerit Aleksei II, Kirill ka afruar dukshëm Kishën Ruse me linjën politike të presidentit Vladimir Putin, aq hapur sa ka hyrë në konflikt disa herë me patriarkun e Kostandinopojës, Bartolomeu, që i ka cilësuar deklaratat e tij për fushatën në Ukrainë si “fjalë që dëmtojnë të gjithë Kishën Ortodokse”.
Në fillim të “operacionit special” të vendosur nga miku i tij Putin, Kirrill cilësoi ata që kundërshtonin pushtimin si “forcat e Djallit”.
