Presidenti i Republikës së Maqedonisë së Veriut, Stevo Pendarovski sot dhe nesër do të qëndrojë për vizitë zyrtare në Republikën e Sllovenisë.
Marketing
Kabineti i presidentit Pendarovski kumtoi se ai në Lubjanë do të pritet me nderime të larta shtetërore dhe ushtarake nga presidenti slloven Borut Pahor.
Ai do të realizojë takim edhe me kryetarin e Asamblesë shtetërore të Republikës së Sllovenisë, Dejan Zhidan dhe me kryeministrin slloven Marjan Sharec.
Në kuadër të vizitës, Pendarovski do të mbajë ligjëratë në Institutin ndërkombëtar për studime të Lindjes së Afërt dhe Ballkanike (IFIMES) në temën “E ardhmja e Maqedonisë së Veriut” – Si të përshpejtohet integrimi në BE”.
