Rreth 2.500 qytetarë dorëzuan kërkesa për subvencione për inverterë në Shkup. Në disa pika, ata tashmë kanë filluar të lënë sobët e tyre të vjetër, që është kusht për pagesën e subvencionit, i cili duhet të fillojë prej javës së ardhshme.
“Deri në fund të javës së kaluar, kishte rreth 2.500 kërkesa për inverterë. Qytetarët tashmë kanë filluar dorëzimin e sobëve të vjetra, gjë që mundëson fillimin zyrtar të pagesës për inverterët e blerë”, tha sot kryetari i Shkupit Petre Shilegov.
Ai sqaroi se procedura për subvencione ishte bllokuar për shkak të zgjedhjeve dhe formimit të qeverisë së re.
“Kur ajo pengesë u hoq, zyrtarisht, në pika të caktuara qytetarët tashmë kanë filluar të dorëzojnë sobët e tyre të mëparshëm të ngrohjes për të marrë subvencionin”, tha Shilegov.
Pagesa e subvencionit për inverterët, shpjegoi ai, do të fillojë javën e ardhshme, ndërsa tashmë ka filluar pagesa e subvencioneve për biçikleta dhe subvencione të tjera të siguruara nga Qyteti i Shkupit.
