Vjerica Radeta nga Partia Radikale Serbe e Vojsllav Sheshel, ka publikuar një shkrim monstruoz pas vdekjes së Khadija Mehmedovic, kryetares së shoqatës “Nënat e Srebrenicës” të cilës ia kishin vrarë burrin dhe dy djemtë më 1995-ën.
Kam lexuar se ka vdekur Khadija Mehmedovic nga Shoqata e Biznesmenëve të Srebrenicës. Kush do ta varrosë. Burri apo fëmijët?” ishte shkrimi i Radetas.Radeta më vonë e kishte larguar këtë postim nga llogaria e saj në Twitter, megjithatë lajmi tashmë kishte marrë dhenë.
Qëndrimet radikale të Radetas dhe Sheshel veçse janë të njohura për publikun, mirëpo është e pa kuptueshme se si dikush mund të shkojë kaq larg, shkruan gazeta Blic, transmeton Klan Kosova.
Ndryshe Gjykata e Hagës ka një lëndë ndaj Radeta për mospërfillje të gjykatës, ngase ajo dhe Peter Jojis akuzohet se kishin ushtruar ndikim ne dëshmitarët e gjyqit te Vojsllav Sheshel, duke i kërcënuar dhe shantazhuar për t’i ndryshuar deklaratat e tyre.
Sipas një urdhri të lëshuar kundër Jojiq dhe Radeta, ata duhet të gjykohen në Serbi.
