Gjatë gjashtëmujorit të këtij viti janë bllokuar 221.365 mijë llogari bankare, prej të cilave 185.151 janë llogari bankare të qytetarëve, njoftoi Banka Popullore e Maqedonisë së Veriut.
Bllokimi ka rritje në krahasim me vitin e kaluar dhe se përmbaruesit kanë vepruar me kërkesat e bankave, kompanive, por edhe institucioneve, sidomos për borxhe që i bëjnë qytetarët, përcjell INA.
Ky problem është ngritur edhe në nivel të qeverisë, por edhe në negociatave të fundit për zgjerimin e maxhorancës, ku është kërkuar ridefinimi i Ligjit për përmbarues, për të zgjidhur dhe lehtësuar nevojat e qytetarëve.
Gjatë vitit 2020 ka pasur bllokime masive të llogarive nga ana e përmbaruesve, ashtu që janë paguar borxhe me vlerë mbi 123 milionë euro. Nga këto miliona, shumica janë paguar nga kompanitë, ndërsa 25 milionë euro janë nga xhepat e qytetarëve.
