Një 31-vjeçar është vënë në pranga nga policia e Durrësit pasi u konstatua se kishte shndërruar lokalin e tij në biznese të jashtëligjshme.
Blutë konstatuan se Abdyl Kacaca 31 vjeç, e kishte kthyer biznesin e tij për përdorim të lëndëve narkotike si dhe për gjenerim të kriptomonedhave (Bitcion).
Nga ky operacion u seksuestruan një sasi lëndë narkotike marijuanë dhe kokainë, pajisje që gjenerojnë kriptomonedha (Bitcoin), si dhe sasi kafeje që dyshohet e kontrabanduar.
Mbi Abdyl Kacacën rëndojnë akuzat e “Përshtatjes së lokalit për përdorim droge”, “Prodhimi dhe shitja e narkotikëve”, “Fshehja e të ardhurave”, “Kontrabanda me mallra për të cilat paguhet akcizë”, “Ruajtja apo depozitimi i mallrave kontrabandë”, si dhe “Prodhimi, mbajtja, blerja apo shitja pa leje e armëve të ftohta”.
