Pronari i një zinxhiri restorantesh japoneze vendosi një rekord duke paguar më shumë se tre milionë dollarë për një ton të kuqërremtë në ankandin e parë të vitit në tregun e ri të peshkut në Tokio, duke tejkaluar çmimin e tij rekord të 2013-ës.
Kiyoshi Kimura, i cili zotëron zinxhirin Sushizanmai, pagoi 333.6 milionë jen (3.1 milionë dollarë) për peshkun 278 kg të kapur në brigjet e prefekturës Aomori të Japonisë veriore, ose dyfishin e asaj që ai kishte paguar gjashtë vjet më parë.
“Tuna duket shumë e shijshme dhe e freskët, por unë mendoj se pagova shumë,” u tha Kimura gazetarëve jashtë tregut më vonë.
“Prisja që do të ishte midis 30 milion dhe 50 milion jen, ose 60 milion jen në nivelin më të lartë, por përfundoi të kushtonte pesë herë më shumë”.
Kimura kishte mbajtur rekordin për çmimin më të lartë të paguar për një peshk të vetëm në ankandin e vitit të ri për gjashtë vjet rresht deri në vitin 2017. Por vitin e kaluar, pronari i një zinxhiri të restoranteve të ndryshme të peshkut pagoi çmimin më të lartë.
Pas ankandit, peshku u dërgua në njërën nga degët e Sushizanmai që ndodhej në tregun e vjetër të Tsukiji.
