Nesër në rend ditë në seancë qeveritare do të diskutohet për problemin me mësimin në gjuhën shqipe në shkollën “ Njegosh”, të Idrizovës cilët edhe një muaj pas fillimit të vitit shkollorë nuk kanë ndjekur asnjë orë mësimi. Në takimin e së shtunës mes drejtuesve të institucioneve qendrore dhe lokale me banorët u premtua ndërtimi i një shkolle në Idrizovë në të cilën do të mësimi do të zhvillohej nga klasa e parë e deri në nëntën edhe atë jo vetëm për nxënësit shqiptar por edhe për ata maqedonas. Veç shkollës duhet të gjendet edhe zgjidhje për vendin ku nxënësit shqiptar do të ndjekin mësimin deri në ngritjen e objektit të ri shkollor.
Kështu që konsultimet vazhdojnë dhe ko çështje do të jetë edhe pikë e rendit të ditës në seancën qeveritare, për shkak se si çështje tashmë kjo më i tejkalon përmasat e një çështje të caktuar lokale apo komunale, por është çështje me rëndësi nacionale, andaj gjatë ditës së nesërme do ta diskutojmë edhe në seancën e qeverisë- tha Arbër Ademi- Ministër i Arsimit.
Hapja e paraleles shqipe në kuadër të shkollës “Njegosh” u hodh poshtë si mundësi, pasi kryetari i Gazi Babës premtoi se brenda tre muajsh do të ndërtohet shkollë e re. Si një nga zgjidhjet afatshkurtra që po diskutohet është që deri në përfundimin e shkollës fëmijëve t’u sigurohet transport nëpër shkolla të tjera. Megjithatë, zgjidhja afatshkurtër për të cilën flitet, mund të rezultojë si një zgjidhje më afatgjatë, për shkak se edhe pse kryetari i Gazi Babës, Boris Georgievski, premtoi se shkolla e re do të fillojë dhe përfundoi brenda tre muajsh, për ministrin e arsimit një premtim për një afat të tillë kohorë është vështirë i realizueshëm. Problemi me mësimin në gjuhën shqipe në Idrizovë është aktualizuar nga Alsat që nga viti 2010 kur banorët kishin kërkuar shkollë të re, duke ofruar madje edhe tokën ndërtimore. Por kjo kërkesë e tyre nuk gjeti zgjidhje nga koalicioni i atëhershëm qeverisës VMRO BDI.
