Kryeministri Edi Rama dhe ambasadori i Bashkimit Europian në Shqipëri, Luigi Soreca zhvillojnë një konferencë për median sot në Kryeministri për progres-raportin e KE-së.
“Vjen një grup deputetësh. Shfaqet një grup nga ana tjetër nxjerrin probleme që janë të lidhura në vendet e tyre. Nuk mund të mos i marrim parasysh por nuk ka krahasim me çfarë përfaqëson raporti sa i përket objektivitetit. E vulos se Shqipëria vjen nga një proces zgjedhor me standarde. Që të jemi të qartë nuk është një dokument që bën vlerësime pozitive, por që nxjerr në pah sfidat problemet dhe çështjet që duhen adresuar për të përparuar. Përtej progresit që ka bërë, nuk është një vend që mund të bëhet sot anëtare edhe sikur të donin të tjerët që nuk e duan se Evropa për tani nuk ka oreks për zgjerimin. Ne e bëjmë për fëmijët tanë që të jetojnë në një vend me të njëjtën cilësi si në Bashkimin Europian”, tha Rama.
