Rreth 1500 fermerë protesuan një ditë më parë përpara Parlamentit Evropian në Strasburg.
Negociatat në Bruksel rinisën të premten mbi propozimet e fundit për Politikën e Përbashkët të Bujqësisë.
Këto negociata do të rishohin ndihmën evropiane, e cila do të përdoret për qëllime më agro-ekologjike.
Por, fermerët duan më shumë mbrojtje për jetesën e tyre pasi shumica shprehen se “shndërrimi në më shumë ekologjikë do t’u kushtoje me shtrenjte”.
“Politika e Përbashkët Bujqësore duhet të ndihmojë që fermerët të vijojnë veprimtarinë në terren. Ne duam të mirëmbahemi, kanë mbetur vetëm 500,000 fermerë, por reforma e ardhshme e propozuar për ne do të zvogëlojë numrin e fermerëve, do ta shkurtojë atë në gjysmë”, u shpreh Laurent Champenois, Sekretari i Përgjithshëm i Sindikatës së Fermerëve francezë.
Gjatë protestës, fermerët francezë bllokuan autostradën që të çonte në Strasburg.
Projekti për Politikën e Përbashkët të Bujqësisë i BE u nis në 1962 dhe është modifikuar gjatë viteve.
Ndryshimet e fundit do të hyjnë në fuqi në 2023.
Sipas Komisionit Evropian brenda unionit ka rreth 10 milion ferma dhe 22 milionë njerëz punojnë në këtë sektor.
