Autoritetet britanike e kanë planifikuar deri në detajet më të imtësishme se çfarë do të ndodhë në ditët në vijim pas vdekjes së Mbretëreshës Elizabeth II.
Procedura që ofron udhëzime për vazhdimësinë është koduar me emrin “Operacioni London Bridge”. Dita e shuarjes së saj është quajtur D Day, ndërsa cdo ditë pasuese cilësohet si D+1, D+2 e kështu me radhë.
Seancat e Parlamentit Britanik dhe legjislaturave të deleguara në Skoci, Uells dhe Irlandën e Veriut pezullohen. Faqja e internetit e familjes mbretërore merr në sfond ngjyrën e zezë.
Të gjitha faqet e mediave sociale të departamenteve qeveritare shfaqin një banderolë të zezë dhe do të ndryshojnë fotografitë e profilit të tyre në stemat e departamenteve.
Funerali mbahet 10 dite pas vdekjes se Mbretëreshës. Një dite pas largimit te saj nga jeta, Këshilli i Aderimit – i cili përfshin figura të larta qeveritare, mblidhet në Pallatin e St James për të shpallur Charlesin sovranin e ri.
Qindra këshilltarë të fshehtë, duke përfshirë kryeministrin dhe ministrat, do të kërkohet të marrin pjesë. Askush nuk mund të mbajë asnjë stoli në trup. Parlamenti do të mblidhet për të rënë dakord për një mesazh ngushëllimi. Të gjitha punët e tjera të Kuvendit do të pezullohen për një periudhë 10 ditore.
Arkivoli i Mbretëreshës do të dërgohet në Pallatin Buckingham. Duke qenë se ajo vdiq në Balmoral, Skoci, do të aktivizohet Operacioni Unicorn që do të thotë se trupi i saj do të dërgohet në Londër me tren mbretëror sa më shpejt të jetë e mundur. Në të kundërtën, do të nisë një tjetër operacion që tregon se arkivoli do të transportohet me ajër. Homazhet pritet të vazhdojnë në Parlament.
Në ditën e pestë, lëvizja nga Pallati Buckingham në Pallatin e Westminsterit do të marrë një rrugë ceremoniale përmes Londrës.
Trupi i mbretëreshës do të qëndrojë për homazhe në Pallatin e Westminsterit për tre ditë. Varrimi zhvillohet në ditën e 10 në Westminster Abbey, ndërsa monarkja do të vendoset të prehet në Kapelën Përkujtimore të Mbretit George VI.
