Kryeministri Kovaçevski shpjegoi sot pse Maqedonia abstenoi në Asamblenë e Përgjithshme të OKB-së për rezolutën që i bën thirrje Izraelit të ndërpresë zjarrin për të ndihmuar popullsinë civile në Gaza. Sipas Kryeministrit, një vendim i tillë u mor për shkak se teksti i Rezolutës së Jordanisë nuk përmendte sulmin terrorist të Hamasit dhe të drejtën e Izraelit për t’u mbrojtur, kështu që votuan për amendamenti kanadez të Rezolutës që përmbante këto elemente. Kovaçevski përsëriti se Maqedonia mbështet aspektin humanitar të rezolutës jordaneze, e cila përfshin mbrojtjen e civilëve dhe qasjen në ujë, energji elektrike dhe ilaçe.
“Vendimi nuk ishte i lehtë të votohet. Vendosëm të abstenojmë, sepse rezoluta nga njëra anë adreson çështje humanitare, me të cilat pajtohemi dhe mbështesim, por mungesa e përmendjes së asaj që bëri Hamasi më 7 tetor nuk lë hapësirë për një qasje tjetër ndaj votimit, tha Dimitar Kovaçevski – Kryeministër.
