Një milion qytetarë rusë mund të thirren për të luftuar në Ukrainë, si pjesë e lëvizjes mobilizuese të Vladimir Putin, sipas një raporti të një gazete ruse.
Në një fjalim televiziv drejtuar kombit të mërkurën, presidenti rus tha se shërbimi ushtarak do të zbatohet vetëm për “qytetarët që janë aktualisht në rezervë, veçanërisht ata që kanë shërbyer në forcat e armatosura, kanë profesione të caktuara ushtarake dhe përvojë përkatëse”.
Menjëherë pas njoftimit të Putinit, ministria e mbrojtjes e vendit Sergei Shoigu tha se 300 mijë rusë do të thirreshin si pjesë e mobilizimit që do të zbatohej për “ata me përvojë të mëparshme ushtarake”, raporton The Guardian.
“Këta nuk janë njerëz që nuk kanë parë apo dëgjuar kurrë asgjë për ushtrinë”, tha ai, duke shtuar se studentët mund “të vazhdojnë të shkojnë në klasë”.
Por Novaya Gazeta, një gazetë e pavarur ruse që vepron në mërgim, ka cituar një zyrtar të paidentifikuar në qeverinë e Putinit të ketë thënë se plani i vërtetë është të thërrasë 1 milion njerëz, përcjell rtv21.tv
Burimi i tha gazetës se një paragrafi i shtatë i klasifikuar i dekretit, i nënshkruar nga Putin të mërkurën, lejon Ministrinë ruse të Mbrojtjes të thërrasë 1 milion njerëz.
Burimi tha: “Shifra u korrigjua disa herë, dhe në fund, ata u vendosën në një milion”.
