Presidenti rus Vladimir Putin ka nëshkruar aneksimin e paligjshëm të pjesëve të pushtuara të rajoneve ukrainase të Cherson, Zaporizhia, Luhansk dhe Donetsk duke nënshkruar dekretet përkatëse.
Ai nënshkroi ligjet e miratuara më parë nga Duma e Shtetit dhe Këshilli i Federatës për integrimin e rajoneve në territorin rus dhe kështu i vuri në fuqi, siç njoftoi Kremlini në Moskë të mërkurën.
Moska aktualisht kontrollon vetëm pjesë të këtyre zonave në Ukrainën jugore dhe lindore.
Fillimisht, rajonet do të drejtohen nga zyrtarë të emëruar nga Moska, sepse parlamentet rajonale nuk do të zgjidhen deri në shtator të vitit të ardhshëm.
Sipas informacioneve ruse, integrimi i zonave tani do të bëhet hap pas hapi. Ata duhet të mbajnë emrat e tyre. Në fillim të vitit 2023, monedha ruse, rubla, do të jetë mjeti i vetëm zyrtar i pagesës atje./Indeksonline/
