Qendra Shtetërore e Provimeve do të vazhdojë grevën, për shkak se në mbledhjen e djeshme në Qeveri nuk ka pasur marrëveshje mes Sindikatës së Qendrës Shtetërore të provimeve dhe zëvendëskryeministrit për çështje ekonomike, Fatmir Bytyqi. Ata kërkojnë paga më të larta.
“Autoritetet kanë gjetur mënyra për të mundësuar rritje të pagave të tyre për 78 për qind me ribalancim dhe nuk mund të bëjnë një ribalancim të vogël për këta 30 punëtorë në Qendrën e Provimeve Shtetërore.”, – thonë nga organizata sindikaliste.
“Nga zëvendëskryeministri Fatmir Bytyqi kemi marrë një tekst propozimesh identik, të memorizuar, të njëjtë, si nga ministri i financave dhe arsimit. Na ofrojnë të marrim K-15, të cilat para na takojnë ligjërisht dhe deri më tani nuk e kemi marrë në mënyrë të kundërligjshme dhe për të cilën kemi bërë ankesë dhe ndoshta do të ketë padi private kundër shtetit. Na ofruan rritje lineare të pagave prej 2.000 denarë, të cilën do ta merrnin gjysma e të punësuarve, edhe pse për pozita të ndryshme kërkohen rritje të ndryshme. Praktikisht, ata e shpallin të pavlefshëm marrëveshjen tonë kolektive.”, – deklaroi kryetarja e organizatës sindikale, Emilia Boshkovska.
Nga Ministria e Financave thonë se po propozohet një zgjidhje që pagat e punonjësve të Qendrës së Provimeve Shtetërore të përshtaten me pagat e zyrtarëve administrativ në përputhje me Ligjin për nëpunës administrativ dhe rregulloret ligjore në Maqedoni.
Ministri i arsimit dhe shkencës, Jeton Shaqiri, ka thënë se më 27 maj duhet të ketë provim të maturës shtetërore. Për realizimin e procesit, sipas nevojës, do të përfshihen edhe punonjës nga Ministria e Arsimit dhe Kulturës.
