Qeveria sot në seancë të mbyllur e aprovoi listën me 19-të propozime për emërimin e ambasadorëve të vendit tonë në destinacionet vijuese: Athinë, Beograd, Zagreb, Tiranë, Bruksel, Hagë, Moskë, NATO, Këshillin Evropian (Strasburg), KB (Gjenevë), Dohë, Pragë, Nju-Delhi, Romë, Tel Aviv, Kopenhagë, Vatikan, Prishtinë dhe Pekin.
Lista do t’i dorëzohet presidentit Stevo Pendarovski.
Fillimisht në listë ishin 21 kandidatë, por janë vërtetuar 19, pasi dy kandidatë duhet të bëjnë hapa plotësues.
Zaev në paraqitjen e tij në debatin “Rruga drejt anëtarësimit në NATO: Nga shtet i izoluar drejt shtetit të integruar” në Fakultetin filozofik në Shkup, theksoi se përfaqësuesi i ri diplomatik në selinë e NATO-s në Bruksel do të jetë ambasadori i parë i Maqedonisë së Veriut, si një vend anëtar i NATO-s.
Kryeministri njoftoi se propozimet për ambasadorët e rinj sot do të dorëzohen deri tek presidenti i shtetit, i cili duhet të vendosë për emërimin e tyre.
Ambasador i ri në Bruksel, do të jetë Dane Taleski këshilltari i deritanishëm për politikë të jashtme i kryeministrit Zaev, siç informuan pardje nga Qeveria.
