Qeveria e Republikës së Maqedonisë së Veriut sot ka dërguar në Kuvend ndryshimet dhe plotësimet në Ligjin për tatimin mbi vlerën e shtuar dhe Ligjin për akciza.
Në shkresën e Qeverisë thuhet se këto amendamente duhet të miratohen me procedurë urgjente parlamentare për të siguruar uljen e çmimeve më të larta me pakicë të benzinës dhe derivateve të tjera të naftës.
Këto ligje u referohen disa masave, siç është masa e uljes së normës preferenciale të TVSH-së për produktet ushqimore bazë nga 5% në 0%. Produktet bazë për të cilat do të zbatohet kjo masë janë buka; sheqeri; mielli – lloji 400; vaji ushqimor luledielli; qumështi i përhershëm, mishi i freskët, orizi dhe vezët.
Masat për uljen e normës së TVSH-së nga 18% në 10% gjatë qarkullimit të energjencave dhe për përjashtimin nga pagesa e TVSH-së për importet e energjisë, si dhe masa për uljen e akcizës në përputhje me çmimet e bursës. Këto ligje do të lehtësojnë rritjen e madhe çmimeve të shkaktuar nga çmimet e larta të aksioneve të naftës dhe derivateve.
Nga mbledhja e Qeverisë, në të cilën u përcaktuan këto ndryshime, i’u dërgua apel deputetëve që t’i miratojnë menjëherë, në mënyrë që të sigurohet zbatimi i shpejtë i masave të miratuara dje për mbrojtjen e standardit jetësor dhe likuiditetit të kompanive.
