Raportuesi special në Parlamentin Evropian për Maqedoninë e Veriut, Ilhan Quçuk uroi qytetarët me rastin e Ditës së Pavarësisë duke theksuar se vendi ynë u bë model i suksesshëm për koegzistencë multietnike dhe faktor stabilitetit në Ballkanin Perëndimor.
“Maqedonia e Veriut ka në vend të veçantë në zemrën time për njerëzit e saj të shkëlqyer me të cilët pata mundësi të takohem dhe për mikpritjen e jashtëzakonshme në të cilën gjithmonë i ka shijuar vizita e mia të shumta. E di që arritja e pavarësisë në mënyrë paqësore është një burim i krenarisë së veçantë për të gjithë ju, ndërsa veçanërisht jam krenar që vendi im Bullgaria është vendi i parë që e njohu pavarësinë”, thotë Quçuku.
Kjo ditë jo vetëm që e shënon pavarësinë e Maqedonisë së Veriut, por tregon, thotë ai, edhe sa keni mbërritur nga 8 shtatori i vitit 1991.
“Qëndrueshmëria dhe suksesi juaj në tre dekadat e fundit janë nga vendi juaj personal. Nuk erdhën nga jashtë. Si çdo vend i ri demokratik, kaluat nëpër kohëra të vështira, por sot, mund të festoni për shkak të unitetit dhe harmonisë mes njerëzve. Maqedonia e Veriut u bë një model i suksesshëm për koegzistencën multietnike dhe faktor i stabilitetit në Ballkanin Perëndimor”, thekson raportuesi special në Parlamentin Evropian Quçuku.
Ai shton se me unitet dhe respekt ndaj njëri-tjetrit, vlera të cilat fuqimisht janë përfaqësuar në qeverinë e Zoran Zaevit, përparimi është i pashmangshëm.
“Tashmë e keni ndjekur rrugën tuaj strategjike me anëtarësimin në NATO dhe ftesën e merituar për fillimin e negociatave inkuadruese me BE-në. Marrëveshja e Prespës dhe Marrëveshja për fqinjësi të mirë Bullgarinë është një arritje historike dhe jam i bindur se do ta shohim Maqedoninë e Veriut atje ku përket – si pjesë përbërëse e familjes evropiane. Në të vërtetë besoj në të ardhmen e ndritur të vendit tuaj, sepse suksesi është në duart tuaja dhe të brezit më të ri”, porosit Quçuku.
