Real Madridi mposht Liverpoolin dhe fiton trofeun e 14-të në histori të Ligës së Kampionëve

Real Madridi ka fituar me rezultat 1-0 ndaj Liverpoolit në finale dhe kështu është shpallur kampion i Ligës së Kampionëve për edicionin 2021/22.

Marketing

Ekipi i Carlo Ancelottit është treguar konkret dhe cinik në finalen e madhe të zhvilluar në Stade de France të Parisit duke triumfuar me një gol, pas shumë pak rasteve të krijuara.

Pjesa e parë i takoi Liverpoolit, i cili pati më shumë raste, rrezikoi më shumë, goliti shtyllën, por pa arritur të gjejnë golin.

Në fakt, Real Madridi ishte skuadra që e gjeti golin në minutën e 43-të me anë të Karim Benzemas, por goli u anulua pas rishikimit të VAR-it.

Reds rrezikuan me anë të Mohamed Salah (16’, 18’), por në të dy rastet u ndalua nga Thibaut Courtois, ndërsa Sadio Mane (20’) u ndal vetëm nga shtylla.

Ekipi i Jurgen Klopp tentoi edhe më anë të Thiago Alcantara (17’), Fabinho (28’) dhe Jordan Henderson (41’), por goditjet e tyre shkuan jashtë portës.

Në pjesën e dytë, Real Madridi nisi furishëm ndeshjen, duke qenë më të rrezikshëm dhe duke gjetur golin e parë të ndeshjes, ndërsa pas golin Liverpooli mori lojën në dorë duke rrezikuar në shumë raste.

Goli i parë i ndeshjes erdhi në minutën e 59-të dhe ishte Vinicius Junior, i cili shënoi nga afërsia për 1-0 pas asistimit të Federico Valverdes.

Liverpooli iu ofrua golin me anë të Salah (64’, 69’), por goditjet e tij u ndalen në të dyja rastet nga portieri Courtois.

Salah pati edhe një super-rast në minutën e 84-të, por edhe kësaj radhe Courtois u tregua hero i Los Blancos duke pritur goditjen.

Deri në fund, Reds nuk rrashtën së sulmuari në kërkim të golit të barazimit, por pa pasur sukses ta gjejnë atë.

https://twitter.com/realmadrid/status/1530663673663995911?ref_src=twsrc%5Etfw%7Ctwcamp%5Etweetembed%7Ctwterm%5E1530663673663995911%7Ctwgr%5E%7Ctwcon%5Es1_&ref_url=https%3A%2F%2Ftelegrafi.com%2Freal-madridi-mposht-liverpoolin-dhe-fiton-trofeun-e-14-te-ne-histori-te-liges-se-kampioneve%2F
Kështu, pas 90 minutave lojë, Real Madridi triumfon me rezultat 1-0.

Me këtë triumf, Mbretërit arrijnë titullin e 14-të në histori të Ligës së Kampionëve.

RELATED ARTICLESMORE FROM AUTHOR