Negociatat mes MASH dhe SASHK janë drejt gjetjes së zgjidhjes për pagat në sektorin e arsimit. Pas takimit që u realizua me SASHK-un numri një i dikasterit të arsimit Jeton Shaqiri, theksoi se ka përafrim të qëndrimeve. Paralajmëroi se do të gjindet zgjidhje për rritjen e pagave të arsimtarëve me përqindjen e kërkuar.
“Edhe ne por edhe nga Sashk u tha se ka përfrim të qëndrimeve dhe mendoj se nesër së bashku me ndërmjetësuesin do ti shohin të gjitha rekomandimet e ndërmjetësuesit, dhe të dyja palët duhet ti pranojmë rekomandimet që vine nga ndërmjetësuesi.”, tha minisër i arsimit, Jeton Shaqiri.
Të marten SASHK do të vijojë negociatat edhe me MASH-in por edhe me Ministrinë e Punës dhe Politikës Sociale. Problem ka me të punësuarit në çerdhe të cilët për muajin prill do tu paguhen vetëm kontributet, dhe jo mëditjet për kohën e grevës.
“Paga për muajin prill do të paguhet në pajtueshmëri me logjin që do të thotë se do të paguhen vetëm kontributet, por do të kërkojmë zgjidhje që me pagën e muajit maj dhe qershor të kompenzohen ditët për të cilat puntorët e çerdheve ishin në grevë.”, tha ministrja e punë dhe politikës sociale, Jovana Trençevska.
Nëse nuk arrihet zgjidhje SASHK paralajmëroi se sërisht do ta aktivizojë grevën. SASHK paraprakisht refuzoi dy oferta për rritjen e pagave për 10 dhe 12 përqind. Kërkesa e tyre është që të harmonizohen pagat me pagën minimale, të përgaditet marrëveshje e re kolektive në arsim dhe të rriten pagat për 18.4 përqind.
